Марат Төлеуұлы шәкірттерге сапалы білім беру жолында шығармашылықпен жұмыстанып келе жатқан ұстаз. «Теориялық білімді практикамен ұштастыру» атты проблемалық тақырыбын ашу мақсатында оқушының ойлау қабілетіне қарай өз бетінше жұмыс істеуге дағдыландыру, оқытудың әртүрлі әдіс-тәсілдерін қолдана отырып, тапсырмаларды деңгейлеп беруді жүзеге асыруда. Қазіргі таңдағы заман талабына сай оқытудың жаңа әдістерін қолданып, сабақты түрлендіре өткізуді өзінің күнделікті жұмысында басшылыққа алған. Өз іс-тәжірибесін әріптестерімен бөлісу мақсатында облыстық семинарда өткізген «Табиғат кешені» сабағы мазмұны мен мақсатына қарай «әдістерді іріктеп, уақытты тиімді пайдаланған өте жақсы өтілген сабақ» деген әріптестер бағасын алды.
Марат Төлеуұлы өзіне талап қойғыш, ізденімпаз, оқу материалдарын өмірмен байланыстырып өткізуге бейім. Алтыншы, жетінші, сегізінші сыныптарда география, биология пәндерін жүргізген кезде табиғаттан және қоршаған ортадан мысалдар алып, оқушылардың сабақтан алған білімдерін өмірде қолдана білуіне көп мән береді. Директордың оқу- тәрбие жұмысы жөніндегі орынбасары бола жүріп, мұғалімдердің шеберлік денгейінің көтерілуіне және оқушылардың білім дәрежесінің нақты болуына көптеген жұмыстар атқарды.Осындай жұмыстардың негізінде мектеп мұғалімдері түрлі байқауларда жүлделі орындардан көрініп жүр. Оқушыларды ҰБТ-ға дайындауда жоспарлы қызмет атқарып, соның нәтижесінде мемлекеттік грант иегерлері жыл сайын өсіп келеді. 2005, 2008,2011, 2012 оқу жылдары Э.Өмірова, А.Маратұлы ,Е.Қуанай,Ә.Ербаян,З.Қубайдоллина, М. Жұмағалиев сияқты оқушылар «Алтын белгі» иегерлері атанды,соның ішінде Е.Қуанай, Ә.Ербаян география пәнін тандап жоғары балл жинады. Аудандық және облыстық білім сайыстарында мектеп оқушылары жүлделі орындардан көрініп жүр. Облыстық экологиялық олимпиадада З.Кубайдоллина жүлделі ІІІ орын алса, аудандық пәндік олимпиадада география пәні бойынша Әсем Ербаян І орынды жеңіп алды. 2014 – 2015 оқу жылындағы аудандық пәндік олимпиада оқушылары Мирамбаев Жиенбай ІІорын, Тажкенов Тимур ІІІ орын алды. «BS-PRESS» педагогикалық-әдістемелік орталығы өткізген республикалық оқушылар арасындағы қашықтық олимпиадасында Есполова Гаухар мен Тыныштыбай Райымбек ІІІ орын. 2014 – 2015 оқу жылында І жетік деңгей бойынша оқып, сертификатталған мұғалім. Осы жұмысының бағытында мектеп, аудан, облыс көлемдерінде желілік қоғамдастық аясында ұйымдастырылған семинар – тренингтерде өз жұмыстарын көрсетіп жүр. Соның нәтижесінде іс – тәжірибесі облыстық «Өрлеу» БАҰО АК жинақ кітапшасына енді. 2015жылғы облыстық тамыз кеңесінде география пәнінің мұғалімдерімен «Тоерия мен практиканы ұстастыру» тақырыбында өз іс тәжірибесімен бөлісті.
Марат Төлеуұлы әртүрлі педагогикалық оқуларға белсене қатысып «Оқушы мен оқытушы арасындағы қарым-қатынас», «Экологиялық білім мен тәрбие беру- өмір талабы» атты баяндамалар оқыды.
Өзінің ізденімпаздығымен, еңбексүйгіштігімен, тынымсыз еңбегімен талай жақсы нәтижелерге жетері сөзсіз.
Ұжымда талқылау туралы мәлімет: Кандидатурасы педагогикалық кеңесте талқыланды.