Сагингалиева Бақытгүл Тасқынбайқызы Ақтөбе қаласындағы № 34 орта мектебінде 2008 жылдың 1 қыркүйегінен бастап тарих пәнінің мұғалімі болып қызмет атқарып келеді. Бес жылғы еңбек өтілінде өзін жоғары білімді маман қырынан дәлелдей білді. Терең теориялық білімін практикамен ұштастыра отырып, оқытудың әдістемесін, педагогикалық әдіс-тәсілдерін, жаңаша оқыту технологияларын шебер қолдануда. Мұғалім жаңалықтарға үңіліп, оны зерттеп, зерделеп, іс-тәжірибесінде тиімді пайдаланады. Заман талабы мен ағымына ілесу үшін, білімді ұрпақ тәрбиелеу үшін әр кез ізденіп, ізгі идеялар, ұстанымдарды өз әріптестеріне ұсына біледі.
Педагог шәкірт бойындағы талант көзін ашып, шығармашылыққа баули біледі. Әр шәкірттің жан дүниесін нұрландарып, жүрегіне шапағат нұрын төгіп, білім тұңғиығынан нәр алдырып, қажырлылыққа, ізгілік пен адамгершілікке баулып, табандылықпен еңбек етіп, алдарына биік мақсаттар қоюды үйретті. Бақытгүл Тасқынбайқызының әр жұмысы нәтижеге бағытталады. Аз уақыттың ішінде (5 жыл) республикалық, облыстық, қалалық олимпиада жүлдегерлерін, «Алтын белгі» иегерін, түрлі байқау жеңімпазын дайындай білді. Әр жыл сайын ҰБТ-ға мектеп түлектерін жан-жақты дайындап, жоғары нәтижеге қол жеткізді. 2012-2013 оқу жылында білім сапасын (ҰБТ-да) 100 пайызға жеткізді.
