Химиялық теңдеулер дегеніміз – химиялық реакцияны формулалар мен коэффициенттердің көмегімен өрнектеп жазу. Химиялық теңдеулердегі формулалардың алдында тұрған коэффициенттер мына төмендегідей мәлімет береді:
молекулалар санын;
заттың моль санын;
газдар үшін газдың көлемін.
Химиялық теңдеулер бойынша есеп шығару зат массасының сақталу заңына негізделген; теңдеулер бойынша бірнеше түрлі есептер шығаруға болады ол есептермен бүгінгі сабақтың барысында танысамыз.
1.Эквиваленттік мөлшерде реакцияға түсетін заттардың біреуінің мөлшері (массасы, көлемі) бойынша реакция өнімдерінің мөлшерін (массаларын, көлемдерін есептеу және керісінше есептеулер.
2.Реакция өнімдерінің теорияға қарағандағы шығымдарын есептеу.
3. Құрамында белгілі бір қоспасы бар, бастапқы заттардың массалары (көлемдері бойынша реакция өнімдерінің массаларын (көлемдерін) есептеу.
4.Бірнеше тізбектес реакциялардың теңдеулері бойынша жүргізілетін есептеулер.
5.Орын басу реакцияларының теңдеулері бойынша есептеулер.Есептің шартын мұқият оқып шығыңдар.
2) «Берілгені» және «Табу керек» деп жазу қажет.
3) Реакция теңдеуін құрыңдар (коэффициенттерін қоюды ұмытпаңдар).
4) Кері формуланы қолдана отырып, (m пр / шығ) реакция өнімінің теориялық массасын есептеңдер.
5) Реакция теңдеуі бойынша бастапқы заттың массасын табыңдар.