Мен Рамазанова Слушаш Сайранқызы қазақ тілі және қазақ әдебиеті пәнінің мұғалімімін.Білімім жоғары,ІІ санатым бар.Қызхмет өтілім жыл.Бұл мамандықты таңдаған себебім,мен балалармен жұмыс жасағанды ұнатамын.Қазіргі уақытта Солтүстік Қазақстан облысы Мағжан Жұмабаев ауданы Булаев қаласында Батыр Баян атындағы мектеп-гимназиясында жұмыс жасап келемін.
Менің мұғалім ретінде жұмысымның басты мақсаты әр оқушыда патриоттық сезім тәрбиелеу. Патриоттық тәрбиенің өзекті қажеттігін барлық мемлекеттер мойындайды және тәрбиенің басты бағыттарының бірі болып табылады.
«Тіл –адам жанының тілмашы. Тілсіз ұлт,тілінен айырылған ұлт-ұлт болып жасай алмақ емес,ондай ұлт құрымақ. Осы күнгі түркі тілдердің ішінде қазақ тілінен бай,оралымды,терең тіл жоқ» деп айтқан ұлы ағамыз Мағжан Жұмабаевтің сөздерін өз ана тіліміз,яғни қазақ тілін оқушыларға үйрету біздің,қазақ тілі мұғалімдердің негізгі мақсаты деп санаймын. Оқушының шығармашылық дамуының педагогикалық мүмкіндіктерін табудың маңызы зор.Мен өз сабақтарымда әңгімелесу,пікірсайыс,ойындар,тартыстар,сұхбаттар, жобалар,дербес сабақтар сияқты белсенді формалар мен әдістерді қолданамын.
