Мен Мажитова Тілек Нурлановна Кішкенкөл №2 ішінара интернатты орта мектебінде бастауыш сынып мұғалімі қызметін атқарамын. Білімім-жоғары. Біліктілік санатым-бірінші. Еңбек өтілім 22 жыл.
Қазіргі заман ағымына байланысты оқушылардың білімге қызығушылықтарын арттыру үшін мұғалімдерге жаңа талаптар қойылуда. Сол себепті оқытудың әр түрлі технологиялары жасалып, мектеп тәжірибесіне енгізілуде. Жан-жақты ізденістің нәтижесінде білім беру саласында жаңа педагогикалық технологиялардың саны да, сапасы да өсіп келеді.
«Терең білім-Тәуелсіздігіміздің тірегі, Ақыл-ой азаттылығымыздың алдаспаны»-деп Елбасымыз айтқандай ұрпақ тәрбиелеу біздің, ұстаздар қауымының, ең басты міндеті болып саналады.
Менің де мұғалім ретінде алға қойған мақсатым-оқушыларға ұлттық педагогикалық тәрбие мен білім берумен қатар олардың шығармашылық қабілеттерін арттыру. Сол себепті сабақты идеялық жағынан ғылыми негізде, өмірмен байланысты ұйымдастыру, әр сабақта оқушыларды ойлауға, өздігінен ізденіс жасауға баулып,ойын ауызша, жазбаша жинақтап баяндай білуге, мәдениетті сөйлеуге үйрету арқылы ұлттық әдет-ғұрыпты бойына сіңіруге дағдыландыру-әрбір ұстаздың абыройлы борышы. Қазір балалардың таным белсенділігі мен қызығушылығын
қалыптастыруға септігін тигізетін оқытудың инновациялық
әдіс-тәсілдерін білім беруде орынды пайдалансақ, ол өзінің
сипатын береді:
- оқушының жаттығу жұмысы нәтижесінде деңгейлері
көтеріледі;
- пәнге деген қызығушылығы артады;
- оқушының білім сапасы көтеріледі;
- логикалық ойлау мен шығармашылық іс-әрекеті қабілеті
артады:
Білім берудің бастауыш сатысы – тұлғаның даму
іргетасы, оқу әрекетін қалыптастыратын жауапты кезең.Бұл
кезеңде баланың есте сақтау қабілеті,қабылдауы төмен
болғанмен, білуге құмар, барлығын көзімен көруді ұнатады.
Осыған орай, бастауыш сыныптағы баланың қабылдау
мүмкіндігін ескере отырып, дамып жатқан оқытудың жаңа
технологияларын тиімді пайдалану ең маңызды іс болып
отыр. Оқыту барысында дидактикалық ойындарды, дамыта
оқыту, білім беруді ізгілендіру технологияларын қолданған
дұрыс деп есептеймін.