Соналы орта жалпы білім беретін мектебінің география-биология пәні мұғалімі Мажитова Светлана Қуанышқызының шығармашылық есебі.
Білім жүйесінде көп жыл еңбек ету арқылы балаларға білім мен тәрбие беруде үлкен табысқа тек өз ісіне құштар, үнемі ізденісте жүретін, оқушылардың оқу қызметін ұйымдастыруға шығармашылықпен қарайтын, оқу әдістемесін үнемі жетілдіре отырып, өз бетінше жұмыс істей алатын адам ғана жете алады. 1991 жылдан Соналы орта жалпы білім беретін мектебінде мұғалім болып жұмыс жасап келемін. Сабақтарда оқытудың жаңа технологиясын пайдалану арқылы оқушылардың қызығушылығын арттырып, терең ойлану қабілетінің қалыптасуына көңіл бөлемін. Оқушыларым аудандық, облыстық пән олимпиадаларына қатысып, нәтижелерінде мектепішілік, облыстық, облыс әкімінің және БҚАТУ ректорының мадақтамасы, Құрмет грамотасы, құтықтау және Алғыс хаттарымен марапатталдым. Аудандық география пәні мұғалімдерінің олимпадасында ”Мектептегі географиялық білімнің өзекті проблемаларын шешудегі жобалар әдісі технологиясының мүмкіндіктері” тақырыбында шығармашылық жұмысымды қорғап, 8-сыныпта ”Қазақстанның жазықтары мен таулы үстірттері” тақырыбында панорамалық сабақ көрсеттім. Нәтижесінде II дәрежелі Дипломмен марапатталдым. Ата-ана, жұртшылық арасында ”Қыз байлығымен”, ”Ұл бала ел тірегі бола ала ма?”, ”Ұстаз – тәрбиеші”, әдістемелік бірлестікте ”Модульдік оқыту технологиясы”, ”Жеке тұлғаның қалыптасуындағы мұғалім мен оқушы арасындағы қарым -қатынас”, ”Оқушылардың шығармашылық қабілетін дамыту” тақырыбында баяндамалар оқыдым. Бірлестік мұғалімдері арасында ”Шығармашылық шыңдалу-рухани даму” сайысы, ”Дарынды бала-ел болашағы” атты семинар өткіздім. Кәсіби шеберлігімді шыңдауда “Оқу мен Жазу арқылы Сын Тұрғысынан Ойлауды Дамыту” жобасы мен М.Жанпейісованың “Модульдік оқыту”технологиясын оқып меңгердім және технология элементтерін сабағымда пайдаланамын. “Вирустар-тіршіліктің жасушасыз түрі”, “Картаны мазмұны мен маштабына қарай жіктеу”, “Мал шаруашылығы” тақырыбындағы сабақтарымда оқушыларды жеке, топпен, ұжыммен жұмыстануға бағыттай отыра, түртіп алу, кубизм, Джиксо, екі жақты күнделік, дебат әдістерін қолдану арқылы жетістіктерге жеттім. География-биология пәндері бойынша оқушылар ҰБТ бойынша жақсы көрсеткіштер көрсетіп, ЖОО грант иегерлері атануда. Бұл менің педагогикалық жұмысымның жемісі деп есептеймін. Бүгінгі таңда “Жаңа технология элементтерін пайдалана отырып, оқушыларды шығармашылықпен жұмыс істеуге баулу” атты ізденіс тақырыбында жұмыстанып келемін.
