Құлтанова Жанна Серікқызы 2001 жылы М.Мәметова атындағы №35 орта мектепті үздік бітіріп, Б.Жылқышиевтің атаулы грантына ие болды. 2006 жылы ОҚПУ –н үздік дипломға бітіріп, 2-санатты қазақ тілі мен әдебиеті пәнінің мұғалімі болып М.Мәметова атындағы №35 орта мектепке жұмысқа қабылданды және еңбек еткеніне 9 жыл. Осы уақыт аралығында ол өзін білікті маман ретінде таныта білді.
Ж.С.Құлтанованың сабақтары өте құнды, шәкірттерге беріп жатқан білім базасы қазақ тілі саласының соңғы жаңалықтарына сәйкестіріліп алуымен ерекшеленеді. Жаннаның балаларға білім берудегі жұмысының басты тақырыбы: «Жаңа технологиядағы әдістерді қазақ тілі мен әдебиет сабақтарында тиімді пайдалану».
Тақырыпқа сай ол үнемі сабақтарын түрлендіріп отырады. Мысалы: «Тірек сызба» блок сабағы, семинар, КВН, қорытынды сабақтары оқушылардың ой өрісінің дамуына мол әсер береді. Жанна мектептегі апталықтарда, ғылыми конференцияларда ашық сабақтар өткізіп, баяндамалар оқып, өз ісінің шебері екенін байқатып келеді.
Жанна мептепішілік және қалалық байқауларға қатысып жүлделі орынға ие болған. Қалалық «Жыл мұғалімі - 2008» байқауға қатысып, өз шеберлігі арқасында І орын иесі атанды. 2009 жылы біліктілік санатын І санатқа көтерді. Республикалық байқауларға оқушыларымен сырттай қатысып жүлделі орынға ие болған. 2013 жылы зияткерлік курстан өтіп ІІІ деңгейлі мұғалім дәрежесін алды. 2015 жылы «Ғылыми ізденіс» және «Ізденіс жолы» республикалық журналдарда мақалалары мен сабақ жоспарлары жарияланды. Сонымен қатар «Бастауыш сыныпта сөз тіркестерін оқытудың кейбір жолдары» атты әдістеме нұсқаулығы жарық көрді.
Құлтанова Жанна тәжірибесі мол маман 6-7 сыныптар аралығында қазақ тілі мен әдебиеті пәнінің мұғалімі. 6 «Д» сыныбының сынып жетекшісі. Болашағына үміт артар маман иесі.