Мақсаты: Әр адамның өз өмірінің мәнін түсініп, белгілей білуінің маңыздылығы жөніндегі ұғымдарын дамыту.
Міндеттері:
∙ Өмір жолының, өз алдына қойған өмірлік мақсат-мұраттары мен жалпы адамгершілік құндылықтардың адам өміріндегі маңызы туралы түсінік беру;
∙ Оқушыларды өз өмірінің мәнін түсіне білуге, рухани өсуге және жақсы мен жаманның аражігін ажырата отырып, өмірлік айқындамасын белгілей білуге үйрету;
∙ Оқушыларды өз өміріне, өз сөзі, ойы және әрекетіне мұқият болуға тәрбиелеу.
Шаттық шеңбері
Мұғалімнің басшылығымен оқушылар шеңберге жиналып, бір-біріне жақсы тілектерін айтады. Жаңа оқу жылындағы алғашқы шаттық шеңберінің маңыздылығы - өзін-өзі тану пәнінің негізгі идеясын анықтап, оған бағыт беретіндігінде. Осы мақсатта Әбділда Тәжібаевтың «Өмірді аяла» өлеңін шеңберде тұрып, оқып шығады.
Өзіңе сен, өзіңнің күшіңе сен,
Қос қолыңмен істелген ісіңе
Алысың да сыйлайды, жақының да,
Өзіңді өзің төменге түсірмесең.
Шаттық шеңберінен кейін өлеңнің мазмұны бойынша мұғалім шағын әңгіме жүргізуіне болады.