Менің жасаған жобам «Информатика» пәнінен орыс тіліндегі электрондық оқу құралын жасақтау. Мен электронды көмекші құралымды WYSIWYG Web Builder бағдарламасында жасадым. Бұл информатика пәні бойынша орыс топтарына арналған электронды көмекші құралы.
Электронды көмекші құрал орыс топтарында оқитын студенттерге Web Builder бағдарламасымен танысып, онымен жұмыс жасауды үйренуге мүмкіндік береді. Оның ішінде: Web Builder бағдарламасы туралы, оның технологиясы, мәтіндермен, анимациялармен жұмыс туралы мағұлматтар берілген.
Теориялық мағұлматтар анимациялық формада берілген. Материалдарды мұндай жолмен ұсыну пайдаланушы интерфейсі бағдарламаларымен жұмыс істеуді толық түрде меңгертеді. Бұл әдіс пайдаланушының қызығушылығын тудырып, материалдарды жақсы игеруге мүмкіндік береді.
Электронды көмекші құрал сонымен қатар, пайдаланушыға практикалық жағынан да нұсқау береді. Берілген тақырыптарға байланысты практикалық жұмыстар қарастырылған.
Информатика пәнінен электрондық оқу құралы 2 модульден тұрады. Әр модуль өз ішінен тақырыпшаларға бөлінген.
Модульдің әр тақырыпшаларын басу арқылы қажетті дәрістерді таңдап кіруге болады. Және қажетті батырмаларды басу арқылы тест немесе зертханалық жұмыстар да орындауға мүмкіндік бар.
Электрондық оқу құралымның басты модулінде оқу бағдарламасы, авторлар ұжымы, әдебиеттер және оқулықпен танысуға арналған көмекші (инструкция) батырмалары орналасқан. Батырмаларды екі рет шертіп сілтеме арқылы өтуге болады.
