Тақырыбы: «Ана біздің күніміз»
Тәрбиеші: Той пердесін ашайық
Тойға шашу шашайық
Аналарды құрметтеп
Ән – маржанын шашайық
Ән: «Анашым»
Тәрбиеші: Адам баласы үшін ең аяулы, ең қастерлі сөз - ана. Бала дүниеге келген күнінен бастап өзінің жұмсақ алақаны жылы жүзі, ыстық құшағы, мейірім толы көзқарасы арқылы барлық сүйіспеншілігін, мейірімділік махаббатын бере білген. Адам бойындағы барлық қасиет күннің нұрынан, ананың ақ сүтінен таралған. Сондықтан да, балалар аналарды құрметтейік, нұрға бөлейік, аналар алдында бас иейік. Олай болса, бүгінгі мерекеміздің тақырыбы осы қасиетті «Ана» есімі болмақ.
Бүгін Наурыздың сегізі
Сұлулықтың негізі
Әдемі сөз
Адамның анаға айтар лебізі
- Ендеше, қазір балалардың жылы лебіздерін тыңдайық.
Досхан: Ана дейміз бәріміз де аңқылдап
Ана дейді жас сәби де жарқылдап
Ана деген бәйтерегі өмірдің
Ана деген алтын қазық, алтын бақ
Жарас Айзат: Баланың да тірегі
Дананың да тірегі
Шаншымасын ешқашан
Аналардың жүрегі
Бақытжан Айзат: Мәпелейсің мені, анам
Қолыңдағы құсыңдай
Құлпыра өсіп дем алам
Құшағыңда қысылмай
Тәрбиеші: Мың бұралған арулар аңдап басып
Келеді міне ортаға толқып тасып
Аруларын сыйлаған халқым менің
Көңілді қошеметпен қарсы алайық
Би: «Қамажай»
Амирхан: Еркелесем күлімдейтін
Ұрысқаны білінбейтін
Маңдайымнан иіскеп менің
Құлыншағым күнім дейтін
Арыстан:
Жүрегінде махаббат,
Тілегінде мархабат.
Еркелеткен біздерді,
Анамызға мың алғыс.
Юсую:
Еркелеймін шаттанам,
Жарқын күлкің бақ маған.
Ақ бетіңнен сүйейін,
Келші,келші ақ мамам.
