Хаинжамал Балтановна 4- сыныптың сынып жетекшісі болып қызмет атқарды. Берген сабақтары мен сынып жетекшісінің қызметі талапқа сай жүргізіледі. Ол байсалды, тыным таппайтын, адамгершілігі мол адам. Қатал ұстаз болғанымен, оқушыларға әділ және мұқият қарайды. Ол сабырлы және салмақты, әрбір баланың адамгершілік құндылықтарын құрметтейді. Өзінің жұмысын жақсы көреді және бар жан-тәнін береді. Пәніне деген сүйіспеншілігін балаларға да жеткізе алады. Оның сабақтары әр түрлі және қызықты өтеді. Бұны балаларымыздың пәнге деген қызығушылығынан көруге болады. Мұғалім танымдылық қызметін қалыптастыру арқылы оқушылардың шығармашылық қабілеттерін дамытып отырады: зерттеме, пікір сайыстар, экскурсиялар т.б. шаралар өткізеді. Біз, ата-аналар Хаинжамал Балтановнаның сабқтарына, сыныптан тыс іс-шараларға белсенді қатысамыз.
Ол әр баламен тіл табыса білгені, жоғары бағаланады. Оқушының әрбір жағымды және жағымсыз жасаған қылықтары, сынып жетекшінің назарынан тыс қалмайды. Балаларды үлкендерді сыйлауға, Отанды, туған жерді, туған-туысқандарын сүюге, достықты бағалай білуге тәрбиелейді. Хаинжамал Балтановна жеке уақытын аямай, барлық білімін, жан-дүниесін, мейірімін біздің балаларымызға береді. Балалар зор құрметпен қарайды, өздерінің сырларымен бөліседі.
Ата-аналармен әрдайым тығыз қарым - қатынаста болып ата-ананың ризашылығына ие болады.Өзін жан-жақты, әрдайым ізденіс үстіндегі тұлға ретінде көрсетеді.
Хаинжамал Балтановна– өз жұмысына адал, жауапкершілігі мол сынып жетекші, білімді де білікті ұстаз, оқушылар үшін үлгілі мұғалім, ата-аналардың алдында абыройлы тұлға.